Um Arctica

Starfsmenn

Eignastýring

Valdimar Ármann
Forstöðumaður
Valdimar Ármann er forstöðumaður Eignastýringar. Hann hefur umfangsmikla reynslu af fjármálamörkuðum og hóf störf árið 1999 hjá Búnaðarbankanum Verðbréf og starfaði hjá ABN AMRO Bank árin 2003-2009, fyrst í London í verðbólgutengdum afurðum en síðan í New York sem forstöðumaður verðbólgutengdra afurða í Bandaríkjunum. Valdimar starfaði síðan hjá GAMMA Capital Management frá árinu 2009 fyrst sem sjóðsstjóri og framkvæmdastjóri sjóða og síðar 2017-2019 sem forstjóri félagsins. Valdimar er hagfræðingur frá Háskóla Íslands, með MSc gráðu í fjármálaverkfræði frá ICMA Centre, University of Reading í Bretlandi og hefur lokið prófi í verðbréfaviðskiptum. Hann hefur ritað fjölda greina og tekið þátt í skýrslugerð og ráðstefnum ásamt því að hafa verið aðjúnkt í Háskóla Íslands 2014-2018 og kenndi þar námskeiðið Skuldabréf í Mastersnámi.
Friðrik Magnússon
Friðrik Magnússon er framkvæmdastjóri A/F Rekstraraðila ehf., dótturfélags Arctica Finance,sem er skráð hjá Fjármálaeftirliti Seðlabanka Íslands sem rekstraraðili sérhæfðra sjóða, sbr.lög nr. 45/2020. Friðrik var forstöðumaður Eignastýringar Arctica Finance frá 2010 til 2020. Friðrik hefur starfað á fjármálamarkaði frá árinu 1994 sem framkvæmdastjóri Verðbréfasjóða Íslandsbanka, deildarstjóri og sjóðstjóri í Eignastýringu Íslandsbanka, sérfræðingur í Einkabankaþjónustu Íslandsbanka og Glitnis banka og sem sérfræðingur í eignastýringu Lífeyrissjóðs verzlunarmanna. Friðrik er viðskiptafræðingur af fjármálasviði Háskóla Íslands (1994), með MBA gráðu frá Háskólanum í Reykjavík (2010) og hefur lokið prófi í verðbréfaviðskiptum.

Fyrirtækjaráðgjöf

Jón Þór Sigurvinsson
Forstöðumaður
Jón Þór er forstöðumaður Fyrirtækjaráðgjafar og einn af stofnendum Arctica Finance. Jón Þór vann í Fyrirtækjaráðgjöf Landsbankans í tvö ár frá 2007-2008. Áður vann Jón Þór hjá fjárfestingafélaginu Straumborg, þar sem hann bar ábyrgð á fjárfestingum félagsins í orkugeiranum ásamt því að sjá um veltubók. Frá 2005-2007 sat Jón Þór í stjórn tveggja olíuleitarfyrirtækja. Frá 2004-2005 vann Jón Þór hjá Kjarnorkurannsóknarstofnun Frakklands, CEA. Jón Þór er með M.Sc. gráðu í orkuverkfræði frá Université Joseph Fourier í Frakklandi, B.Sc. gráðu í véla- og iðnaðarverkfræði frá Háskóla Íslands og B.Sc. gráðu í tölvunarfræði frá Háskóla Íslands, auk löggildingar í verðbréfamiðlun.
Andri Ingason er sérfræðingur í Fyrirtækjaráðgjöf Arctica Finance. Andri hóf störf hjá Arctica Finance árið 2018, áður starfaði hann hjá Landsbankanum þar sem hann vann á Einstaklingssviði. Andri er með BSc gráðu í viðskiptafræði frá Háskólanum í Reykjavík og BA gráðu í lögfræði frá Háskólanum í Reykjavík, þá hefur hann jafnframt lokið prófi í verðbréfaviðskiptum. Andri sat í stjórnum nokkurra hagsmunasamtaka stúdenta og gegndi lykilstöðum innan þeirra. Hann var gjaldkeri Markaðsráðs, Nemendafélags Viðskipta- og Hagfræðinema við Háskólann í Reykjavík og var fjáröflunarstjóri Landssamtaka Íslenskra Stúdenta.
Grétar Brynjólfsson
Grétar Brynjólfsson er sérfræðingur í Fyrirtækjaráðgjöf. Áður starfaði Grétar hjá fyrirtækjaráðgjöf GAMMA Capital Management og þar áður hjá fyrirtækjasviði PwC. Grétar er með meistaragráðu í fjármálum frá Háskólanum í Lundi og B.Sc. gráðu í fjármálaverkfræði frá Háskólanum í Reykjavík. Grétar hefur einnig lokið prófi í verðbréfaviðskiptum.
Gunnar Jóhannesson
Gunnar er verkefnisstjóri og sérfræðingur og einn af stofnendum Arctica Finance. Gunnar hóf störf í Fyrirtækjaráðgjöf Landsbankans árið 2004, en áður starfaði hann sem rekstrarráðgjafi og meðeigandi hjá IMG og Deloitte. Gunnar hefur komið að fjölda verkefna í tengslum við kaup og sölu fyrirtækja. Hann hefur BSc gráðu í vélaverkfræði frá Háskóla Íslands, MSc í rekstrarverkfræði frá Danmarks Tekniske Universitet, auk löggildingar í verðbréfamiðlun.
Indriði Sigurðsson
Indriði Sigurðsson hóf störf hjá Fyrirtækjaráðgjöf Arctica Finance árið 2015 eftir 16 ára atvinnumannaferill í knattspyrnu í Noregi og Belgíu. Hann er með B.S. próf í viðskiptafræði með áherslu á stjórnun frá Høgskolen i Sørøst –Norge og stundar einnig MBA nám samhliða vinnu með áherslu á fjármál við Heriot-Watt University, Edinburgh Business School.
Rut Kristjánsdóttir
Rut Kristjánsdóttir er sérfræðingur í Fyrirtækjaráðgjöf Arctica Finance. Rut hóf störf árið 2021, en hún hefur starfað í fjármálageiranum frá árinu 2017. Rut starfaði í eignastýringu fagfjárfesta hjá Arion banka árin 2019-2021 þar sem hún kom m.a. að mótun ábyrgra fjárfestinga innan eignastýringar Arion banka. Þar áður starfaði Rut í fjármálaráðgjöf Deloitte árin 2017-2019 þar sem hún vann m.a. að áreiðanleikakönnun á mörgum af stærstu félögum á íslenskum markaði.

Rut er með B.Sc. gráðu í viðskiptafræði úr Háskólanum í Reykjavík og hefur lokið prófi í verðbréfaviðskiptum.

Markaðsviðskipti

Jón Ingi Árnason
Forstöðumaður
Jón Ingi Árnason er forstöðumaður Markaðsviðskipta, en hann hóf störf hjá Arctica Finance í mars 2020. Jón Ingi hefur starfað á fjármálamarkaði frá árinu 2000, fyrst hjá Sameinaða lífeyrissjóðinum og síðar sem forstöðumaður og verðbréfamiðlari hjá Íslandsbanka, Kviku og Landsbanka Íslands. Frá árunum 2010 til 2015 starfaði Jón Ingi sem sjóðsstjóri hjá J Bond Partners og Landsbréfum. Jón Ingi er með B.S. í fjármálum frá Háskóla Íslands og hefur lokið prófi í verðbréfaviðskiptum.
Björn Öder Ólason er sérfræðingur í Markaðsviðskiptum. Björn hefur starfað hjá Borgun hf. frá 2015 samhliða námi í þjónustuveri sem sérfræðingur á fyrirtækjasviði og fjárstýringu. Einnig starfaði Björn sem flugþjónn hjá Icelandair. Björn hefur sinnt dæmatímakennslu í Fjármálum I við Háskóla Íslands. Björn hefur lokið B.Sc. í viðskiptafræði frá Háskóla Íslands og M.Fin gráðu í fjármálum frá sama skóla, auk þess að hafa lokið prófi í verðbréfaviðskiptum.
Jón Eggert Hallsson er sérfræðingur í Markaðsviðskiptum Arctica Finance. Jón Eggert hefur starfað á fjármálamarkaði frá 2005, í verðbréfamiðlun hjá Íslandsbanka og Kviku, sem sjóðsstjóri hjá J Bond Partners og síðar sem forstöðumaður eignastýringar hjá Íslenskum Verðbréfum. Jón Eggert er með B.Sc. í hagfræði frá Háskóla Íslands og hefur lokið prófi í verðbréfaviðskiptum.
Ægir Birgisson hóf störf hjá Markaðsviðskiptum Arctica Finance í ágúst 2018. Ægir hefur starfað á fjármálamarkaði frá árinu 1994, fyrst hjá Verðbréfamarkaði íslandsbanka (VÍB) við fjárfestingaráðgjöf til einstaklinga og síðar sem forstöðumaður og verðbréfamiðlari hjá Íslandsbanka, Fjárfestingarbanka atvinnulífsins (FBA), Straumi fjárfestingarbanka og VBS fjárfestingarbanka. Frá árunum 2011 til 2018 starfaði Ægir sjálfstætt við fjárfestingar og ráðgjöf. Ægir er með B.S. í fjármálum frá University of S - Alabama, MBA frá Háskólanum í Reykjavík og hefur lokið prófi í verðbréfaviðskiptum.

Yfirstjórn

Stefán Þór Bjarnason
Framkvæmdastjóri
Stefán er framkvæmdastjóri og einn af stofnendum Arctica Finance. Stefán var forstöðumaður Fyrirtækjaráðgjafar Landsbankans á Íslandi og vann hjá Landsbankanum á árunum 1999 fram til október 2008. Á þessum tíma leiddi Stefán eða tók þátt í flestum af helstu fyrirtækjaráðgjafarverkefnum bankans. Stefán lauk kandídatsprófi í lögfræði frá Háskóla Íslands árið 1999, öðlaðist málflutningsréttindi fyrir héraðsdómi árið 2001, og hefur lokið prófi sem löggiltur verðbréfamiðlari bæði á Íslandi og í Bretlandi.
Bjarni Þórður Bjarnason
Aðstoðarframkvæmdastjóri
Bjarni Þórður Bjarnason, aðstoðarframkvæmdastjóri, er einn af stofnendum Arctica Finance. Frá júní 2003 til október 2008 var Bjarni forstöðumaður Fyrirtækjaráðgjafar Landsbankans. Fyrir þann tíma var Bjarni aðstoðarforstöðumaður Fyrirtækjaráðgjafar Búnaðarbankans og þar áður í samskonar stöðu hjá Gildingu fjárfestingarsjóði. Bjarni var fyrir þetta einnig sérfræðingur hjá Fyrirtækjaráðgjöf Kaupþings. Á síðustu árum hefur Bjarni veitt mörgum íslenskum og erlendum fjárfestum ráðgjöf í kaupum og sölum á fyrirtækjum og rekstri auk þess að safna hlutafé. Bjarni er vélaverkfræðingur frá Háskóla Íslands og með MBA gráðu frá Southern Methodist University í Bandaríkjunum.
Ólafur Þór Finsen
Lögfræðingur / Regluvörður
Ólafur er lögfræðingur og einn af stofnendum Arctica Finance. Ólafur hefur starfað í fjármálageiranum frá 1999 þegar hann hóf störf í Búnaðarbankanum, en hann starfaði hjá Landsbanka Íslands frá júní 2003. Á þessum tíma hefur Ólafur komið að mörgum af helstu íslensku verkefnum tengdum fyrirtækjaráðgjöf. Ólafur lauk kandídatsprófi í lögfræði frá Háskóla Íslands árið 1998 og er með próf í verðbréfaviðskiptum.
Berglind Gretarsdóttir
Móttaka og skrifstofuhald
Berglind Gretarsdóttir er með B.S. gráðu í viðskiptafræði frá California State University Long Beach. Berglind hefur starfað á fjármálamarkaði frá árinu 1989, lengst af hjá Íslandsbanka sem deildarstjóri í rekstrardeild og rekstrarstjóri í reikningshaldi. Berglind starfaði hjá Saga Fjárfestingarbanka 2009 – 2011. Ennfremur hefur Berglind stundað nám í Iðnskólanum í Hafnarfirði á hönnunar- og listnámsbraut.