Fyrirtækjaráðgjöf Arctica Finance veitir stórum sem smáum fyrirtækjum, stofnunum, samtökum, opinberum aðilum og einstaklingum margvíslega þjónustu tengda fjármálamörkuðum, bæði hérlendis og erlendis.
Markaðsviðskipti Arctica Finance annast miðlun fjármálagerninga fyrir lífeyrissjóði, verðbréfasjóði og aðra fagfjárfesta, bæði hérlendis og erlendis.
Aurora Abalone hefur lokið 1,5 milljarða króna hlutafjáraukningu. Fjármagnið verður nýtt til að styðja við stærsta uppbyggingaráfanga í sögu félagsins, sem felst í að byggja upp 100 tonna árlega framleiðslu á abalónum. Abalónur teljast til sælkeraafurða sem eru eftirsóttar hjá fremstu matreiðslumönnum heims.
Íslenska erfða- og líftæknifyrirtækið Arctic Therapeutics (ATx) hefur tryggt sér 21,5 milljóna dala fjármögnun, sem samsvarar rúmlega 2,5 milljörðum íslenskra króna. Umframeftirspurn var eftir þátttöku í útboðinu sem lauk nú nýverið.
Travel Connect hefur náð samkomulagi um kaup á Haman Group, rótgrónu skandinavísku ferðaþjónustufyrirtæki með starfsemi í Noregi og Svíþjóð. Með kaupunum tvöfaldast erlend velta Travel Connect í um 9 milljarða íslenskra króna og er áætlað að samanlögð velta samstæðunnar verði um 30 milljarðar íslenskra króna á ári.
