Um Arctica

Stjórn

María Rúnarsdóttir, stjórnarformaður

María Rúnarsdóttir, stjórnarformaður, starfar í dag hjá fasteignafélaginu Korputorgi ehf. Áður starfaði María meðal annars sem fjármálastjóri fasteignafélagsins SMI ehf., ráðgjafi hjá KPMG Ráðgjöf og sem fjármálastjóri Svar tækni ehf., auk þess að vera einn stofnenda MINT Solutions ehf. María situr í dag í stjórn nokkurra félaga, s.s. MINT Solutions ehf., SMI Balkan ehf., Korputorgi ehf. og Rekstrarfélagi Korputorgs ehf.  María er með MBA gráðu frá MIT (Massachusetts Institution of Technology) í Bandaríkjunum og B.Sc. gráðu í viðskiptafræði frá Háskólanum í Reykjavík.

Erlendur Svavarsson, stjórnarmaður

Erlendur Svavarsson, stjórnarmaður, hefur starfað í fluggeiranum frá 1992, þegar hann hóf störf hjá Flugfélaginu Air Atlanta. Þar starfaði hann til 2001 þegar hann tók við starfi stöðvarstjóra í Stokkhólmi hjá MD flugfélaginu, en tók síðan við markaðs- og sölustjórastarfi hjá félaginu. Árið 2003 varð Erlendur verkefnastjóri hjá Loftleidir Icelandic ehf. og varð síðar yfirmaður sölu og markaðsmála hjá því félagi. Árið 2008 starfaði Erlendur hjá Icelandair Group sem framkvæmdastjóri viðskiptaþróunar. Síðan 2010 hefur Erlendur verið framkvæmdastjóri hjá Loftleiðum Icelandic. Erlendur hefur setið í stjórnum ýmissa dótturfyrirtækja samstæðunnar. Erlendur útskrifaðist með stúdentspróf frá Menntaskólanum í Reykjavík og BA gráðu í rússnesku og hagfræði frá Háskóla Íslands.

Þórir Kjartansson, stjórnarmaður

Þórir Kjartansson, stjórnarmaður, er byggingaverkfræðingur frá Háskóla Íslands 1993 og með MBA-gráðu frá IESE. Þórir hefur verið sjálfstætt starfandi fjárfestir frá 2000 í gegnum Íslenska Fjárfestingu ehf. sem hann á og rekur í samstarfi við annan mann. Þórir hefur gegnt margvíslegum trúnaðarstörfum og má þar nefna að Þórir var í stjórn Landspítalans – Háskólasjúkrahúss til nokkurra ára og sat í nefnd um byggingu á nýjum Landsspítala. Þá hefur Þórir setið í stjórn ýmissa fyrirtækja og situr í stjórn Íslenskrar Fjárfestingar ehf. og ýmsum dótturfélögum þess.

Gísli Þór Arnarson, varamaður

Gísli Þór Arnarson, varastjórnarmaður, er með C.S gráðu í umhverfis- og byggingarverkfræði frá Háskóla Íslands og MBA gráðu frá University of Louisville í Bandaríkjunum. Gísli Þór er framkvæmdastjóri Innanlandssviðs Samskipa, en var árin 2006 – 2012 forstöðumaður í innflutningsdeild Samskipa. Áður starfaði Gísli Þór í þrjú ár sem viðskiptastjóri í innflutningsdeild Eimskips og önnur þrjú ár þar á undan starfaði Gísli Þór við verkfræði og viðskiptaráðgjöf hjá The Corradino Group.

Páll Ólafsson, varamaður

Páll Ólafsson, varastjórnarmaður, er með B.Sc. gráðu í fjármálum frá Háskóla Íslands og M.Sc. gráðu í fjármálum frá Cass Business School. Páll hefur starfað í tengslum við bankastarfsemi í yfir 10 ár, bæði sem greinandi og ráðgjafi. Þá hefur Páll setið í stjórnum ýmissa fyrirtækja, eins og Aurora Fashions Ltd., Karen Millen Ltd. og Celsius Holding SARL.