Upplýsingar

FATCA

FATCA (e. Foreign Account Tax Compliance Act) eru bandarísk lög sem er ætlað að koma í veg fyrir skattaundanskot bandarískra skattgreiðenda. Íslensk fjármálafyrirtæki þurfa að bregðast við FATCA með því að halda til haga upplýsingum um eignir sem bandarískir skattgreiðendur, einstaklingar og lögaðilar, eiga hjá fjármálafyrirtækjum á Íslandi. Þannig ber Arctica Finance að kanna hvort viðskiptavinir félagsins séu með bandarísk einkenni og eftir atvikum kalla eftir frekari upplýsingum á grundvelli FATCA. 

Með bandarískum einkennum er átt við eftirfarandi:

  • Bandarískur ríkisborgararéttur, einnig hjá þeim sem eru með tvöfaldan ríkisborgararétt.
  • Föst búseta í Bandaríkjunum.
  • Dvalar- og atvinnuleyfi í Bandaríkjunum (græna kortið).
  • Skráð heimilisfang í Bandaríkjunum, þ. á m. skráð pósthólf.
  • Regluleg fyrirmæli um greiðslur til Bandaríkjanna.
  • Prókúruhafi á reikningi viðkomandi er með heimilisfang í Bandaríkjunum.
  • Viðskiptavinur fær tekjur frá Bandaríkjunum sem hann hyggst nota í viðskiptum sínum.

Upplýsingabæklingur Samtaka fjármálafyrirtækja um FATCA