Agnar Hansson er forstöðumaður Markaðsviðskipta. Agnar hefur víðtæka starfsreynslu af fjármálamarkaði frá árinu 1993. Var hann m.a. forstöðumaður rannsókna hjá Íslandsbanka, staðgengill framkvæmdastjóra markaðsviðskipta FBA, verkefnastjóri hjá Kaupþingi, framkvæmdarstjóri fjárstýringar Sparisjóðabankans og síðar bankastjóri Sparisjóðabankans. Áður en Agnar tók við starfi forstöðumanns Markaðsviðskipta hjá Arctica gegndi hann sambærilegu starfi hjá H.F. Verðbréfum. Einnig hefur Agnar verið lektor við viðskipta- og hagfræðideild Háskóla Íslands og síðar deildarforseti viðskiptadeildar Háskólans í Reykjavík. Agnar hefur kandídatsgráðu í raunvísindum og hagfræði (Cand. Scient. Oceon.) frá Háskólanum í Árósum (Aarhus Universitet) auk þess að hafa lokið prófi í verðbréfaviðskiptum.