Fjármagnið hyggst ORF Líftækni nýta til áframhaldandi uppbyggingar á framleiðslu fyrirtækisins og til aukins markaðsstarfs erlendis. Hluthafar félagsins eftir hlutafjáraukninguna eru um 80 talsins. Hjá ORF Líftækni starfa nú um 40 manns.

Gunnar Einarsson bæjarstjóri segir lánskjörin sem Garðabær fái með útgáfu þessa skuldabréfaflokks séu með því besta sem þekkist á markaði í dag. “Kjörin endurspegla góða fjárhagsstöðu sveitarfélagsins og lýsa trausti fjárfesta á stjórnun þess,” segir Gunnar.

Fyrirhugað er að taka nýja hjúkrunarheimilið á Sjálandi í notkun í ársbyrjun 2013. Ríkið greiðir 85% af stofnkostnaði þess en Garðabær þau 15% sem upp á vantar.

Arctica Finance og Logos Lögmannsþjónusta voru ráðgjafar kaupenda í söluferlinu.

Samningurinn er gerður með fyrirvara um samþykki Samkeppniseftirlitsins.

Arctica Finance hafði í dag milligöngu um sölu á skuldabréfum fyrir Landsvirkjun. Skuldabréfin eru til sjö ára að fjárhæð USD 63,2 milljónir eða að jafnvirði um ISK 7,3 milljarða. Fjármunirnir verða að sögn Landsvirkjunar m.a. nýttir við fjármögnun framkvæmda á Norðausturlandi.

Landsvirkjun hefur upplýst að skuldabréfin eru seld á 4,3% ávöxtunarkröfu, vextir greiðast einu sinni á ári en höfuðstóllinn greiðist í einu lagi í lok lánstímans.

Samhliða útgáfunni hefur Landsvirkjun náð samkomulagi um fullnaðaruppgjör gjaldmiðlavarnarsamninga við skilanefnd Landsbankans að fjárhæð USD 3,2 milljónir.

Arctica Finance var stofnað árið 2009 og er verðbréfafyrirtæki sem starfar samkvæmt heimild og undir eftirliti Fjármálaeftirlitsins. Arctica Finance byggir þjónustu sína á því að veita fagfjárfestum, fyrirtækjum og stofnunum ráðgjöf í gegnum þrjú svið, Eignastýringu, Fyrirtækjaráðgjöf og Markaðsviðskipti.

Stefán Þór Bjarnason framkvæmdastjóri; „Arctica hefur eflt starfsemi sína jafnt og þétt frá stofnun. Tilkoma eignastýringarsviðs og markaðsviðskipta var mikilvægur áfangi á síðasta ári og útvíkkun starfsleyfis nú nýverið til að annast umsjón með útboðum fjármálagerninga og skráningu þeirra í kauphöll var kærkomin viðbót. Kauphallaraðgangurinn nú styrkir enn frekar þjónustuframboð fyrirtækisins.“

Nánari upplýsingar veitir Stefán Þór Bjarnason, framkvæmdastjóri Arctica Finance, í síma 513 33 00.

Arctica Finance var aðalráðgjafi lífeyrissjóðanna í þessum viðskiptum, hafði yfirumsjón með kaupferlinu, vann verðmat á HS Orku og var ráðgjafi lífeyrissjóðanna í samningaviðræðum við seljendur. LEX hafði umsjón með lögfræðilegri áreiðanleikakönnun og lögfræðiráðgjöf við samningagerð, PwC sá um fjárhagslega og skattalega áreiðanleikakönnun og Reykjavík Geothermal sá um jarðfræðilega, tæknilega og rekstrarlega áreiðanleikakönnun.

Samkvæmt samkomulaginu kaupir Jarðvarmi 25% hlutafjár í HS Orku á genginu 4,63 krónur á hlut. Kaupverðið nemur því tæpum 8,1 milljarði króna. Jarðvarmi fær jafnframt kauprétt á nýjum hlutum í HS Orku á genginu 5,35 krónur á hlut, en verði kauprétturinn nýttur að fullu verður eignarhlutur Jarðvarma í HS Orku 33,4%. Samkomulagið felur einnig í sér rétt Jarðvarma til að skrá sig fyrir allt að helmingi heildarhlutafjár HS Orku með kaupum á nýjum hlutum sem HS Orka kann að gefa út í framtíðinni.

Jarðvarmi mun tilnefna tvo af fimm stjórnarmönnum HS Orku. Rík minnihlutavernd, virk þátttaka í stjórn félagsins og formleg aðkoma að öllum meiriháttar ákvörðunum á vegum félagsins eru meðal skilmála viðskiptanna og helst það fyrirkomulag ótímabundið, nemi eignarhlutur Jarðvarma í HS Orku meira en 22,5% heildarhlutafjár.

Þeir lífeyrissjóðir sem standa að baki kaupunum eru Almenni lífeyrissjóðurinn, Eftirlaunasjóður FÍA, Festa lífeyrissjóður, Frjálsi lífeyrissjóðurinn, Gildi lífeyrissjóður, Lífeyrissjóður bænda, Lífeyrissjóður starfsmanna Búnaðarbanka Íslands, Lífeyrissjóður starfsmanna ríkisins – A deild, Lífeyrissjóður verkfræðinga, Lífeyrissjóður verzlunarmanna, Lífeyrissjóður Vestmannaeyja, Stafir lífeyrissjóður, Stapi lífeyrissjóður og Söfnunarsjóður lífeyrisréttinda.

Þann 15. desember 2010 undirrituðu öll helstu hagsmunasamtök atvinnulífsins, fjármálafyrirtæki, efnahags- og viðskiptaráðuneytið og fjármálaráðuneytið fyrir hönd ríkissjóðs samkomulag um úrvinnslu lánamála smárra og meðalstórra fyrirtækja. Samkomulagið nær til úrvinnslu skuldamála um 6.000 fyrirtækja.

Innan Arctica Finance starfa einstaklingar með viðamikla reynslu og þekkingu af úrvinnslu skuldamála stærri og minni fyrirtækja. Með aðkomu ráðgjafa er stuðlað að skilvirkri gagnaöflun og framsetningu upplýsinga þannig að auknar líkur eru á að tímamarkmið standist og að varanleg lausn sé fundin fyrir fyrirtæki og fjármálastofnanir.

Arctica Finance er verðbréfafyrirtæki sem starfar samkvæmt heimild og undir eftirliti Fjármálaeftirlitsins. Sem fjármálafyrirtæki er Arctica Finance bundið trúnaðarskyldu í samræmi við ákvæði laga um bankaleynd. Um starfsemi Arctica Finance gilda m.a. lög nr. 161/2002, um fjármálafyrirtæki, lög nr. 108/2007, um verðbréfaviðskipti, og lög nr. 2/1995, um hlutafélög. Ráðgjöf af því tagi sem lýst er hér að framan er leyfisskyld, sbr. t.d. 9. tölul. 1. mgr. 20. gr. og c-lið 2. tölul. 1. mgr. 25. gr. laga nr. 161/2002, um fjármálafyrirtæki, þar sem talin er upp að leyfisskyld er ráðgjöf „til fyrirtækja um uppbyggingu eigin fjár, stefnumótun og skyld mál og ráðgjafar og þjónustu varðandi samruna fyrirtækja og kaup á þeim.“

Nánari upplýsingar um Beinu brautina

Þann 10. desember 2010 héldu Eignarhaldsfélagið Farice ehf. og Farice hf. bæði hluthafafundi. Á hluthafafundunum var samþykktur samruni félaganna með tilheyrandi hækkun hlutafjár í  Eignarhaldsfélaginu Farice ehf. eftir að hlutafé félagsins hafði verið lækkað til að mæta tapi. Þá var nafni sameinaðs félags breytt í Farice ehf., auk þess sem skerpt var á tilgangi félagsins.

Stærstu hluthafar Farice ehf., íslenska ríkið og Landsvirkjun, leggja félaginu til nýtt hlutafé í A-flokki að fjárhæð EUR 11 milljónir. Þá hafa stærstu óveðtryggðu kröfuhafar félagsins samþykkt sem hluta af fjárhagslegri endurskipulagningu félagsins að breyta þeim kröfum í hluti í B-flokki í félaginu samtals að upphæð EUR 52,7 milljónir, sem veitir þeim m.a. forgang á greiðslur frá félaginu umfram hluthafa í A-flokki. Hlutafé sameinaðs félags verður því aukið um samtals EUR 63,7 milljónir og mun eftir endurskipulagninguna nema um EUR 75,5 milljónum.

Veðtryggðir lánveitendur Farice ehf., að undanskildum skuldabréfaflokki EFAR 09 1 sem verður óbreyttur, hafa samþykkt að endurfjármagna skuldir félagsins. Heildarskuldir að meðtöldum skuldabréfaflokknum munu eftir endurskipulagninguna nema um EUR 56,5 milljónum.

Samkvæmt samningnum munu kröfuhafar í meginatriðum fresta öllum gjalddögum lána og skráðra skuldabréfaflokka félagsins til ársins 2014, en gengið er út frá því að kröfuhafar félagsins muni endurheimta fullt virði krafna sinna og ekki verði um afskriftir að ræða. Heildarfjárhæð skulda móðurfélags Bakkavarar nemur um 63,9 milljörðum króna.

Eftirfarandi eru meginatriði nauðasamnings:

• Gengið er út frá því að kröfuhafar endurheimti fullt virði krafna sinna – ekki verður um afskriftir að ræða.
• Að gefnu samþykki tilskilins meirihluta hluthafa verður um 1% af heildarskuldum félagsins  breytt í nýtt hlutafé í B-flokki sem jafngildir 26,67% af heildarhlutafé félagsins í A og B-flokkum. Skiptigengi verður 1 á móti 1 (fyrir eina krónu í skuld komi ein króna í hlutafé). Atkvæðisréttur B hluta verður takmarkaður við 15%. Hlutir í B-flokki munu breytast í hluti í A-flokki og er skiptigengið tiltekið í ákvæðum í samþykktum félagsins sem lagðar verða fyrir hluthafafund til samþykktar.
• Gjalddagar eftirstöðva skulda félagsins (um 99%), þ.á.m. skráðra skuldabréfaflokka félagsins BAKK 03 1 og BAKK 05 1, verða framlengdir til ársins 2014 á eftirfarandi hátt:
  • 55% af eftirstöðvum skulda verða framlengdar til 30. júní 2014. Verði lánið ekki greitt á gjalddaga breytist það í hlutafé í A-flokki þannig að einn hlutur í A-flokki fáist fyrir hverjar 5 kr. af viðkomandi gjaldfallinni kröfu. Lánið mun innihalda yfirlýsingar og ábyrgðir og verða tryggt með tilteknum eignum félagsins. Vextir eru þriggja mánaða REIBOR vextir að viðbættu 3% vaxtaálagi til 30. júní 2012 en að viðbættu 3,5% vaxtaálagi frá og með þeim degi til 30. júní 2013 og að viðbættu 4% vaxtaálagi frá og með þeim degi til gjalddaga.
  • 45% af eftirstöðvum skulda verður breytt í nýtt hlutafé í C-flokki (forgangshlutafé) á genginu 1 á móti 1 (fyrir eina krónu í skuld komi ein króna í hlutafé), að gefnu samþykki tilskilins meirihluta hluthafa. Bakkavör er heimilt að innleysa hluti í C-flokki hvenær sem er á samningstímanum á nafnvirði bréfanna að viðbættum vöxtum sbr. fyrri lið. Hlutir í C-flokki munu hvorki veita rétt til arðs né atkvæða. Verði hlutir í C-flokki ekki innleystir fyrir gjalddaga verður þeim breytt í hluti í A-flokki þannig að einn hlutur í A flokki fáist fyrir hverjar 3. kr. af hlutum í C-flokki.
    • Samþykki tilskilinn meirihluti hluthafafundar hins vegar ekki útgáfu nýrra hluta í C-flokki verða eftirstöðvar ofangreindrar skuldar framlengdar til 30. júní 2014 með sömu réttindum greint er frá í fyrri lið.
• Verði skuldir félagsins greiddar að fullu þann 30. júní 2014 og hlutir í C-flokki innleystir, eiga stofnendur félagsins, þeir Ágúst Guðmundsson, forstjóri, og Lýður Guðmundsson, stjórnarformaður, rétt á að skrá sig fyrir og kaupa á nafnvirði allt að 25% hlut í félaginu en réttur til áskriftar eykst í hlutfalli við greiðslu skulda og innlausn hluta í C-flokki.
• Kröfuhafar félagsins eiga rétt á að skipa tvo af fimm stjórnarmönnum félagsins.
• Skuldabréfaflokkar félagsins, BAKK 03 1 og BAKK 05 1, verða afskráðir af NASDAQ OMX á Íslandi.
• Tillaga verður lögð fyrir hluthafafund um að breyta félaginu í einkahlutafélag og afskrá félagið í kjölfarið af Nasdaq OMX á Íslandi.